الرئيسية
ايه رأيكم يا جماعة لو ندخل الجنة كلنا مع بعض جماعة و متحابين في الله
و كل واحد يحاول يدخل الجنة مع اكبر عدد ممكن يعرفه
صلاة الفجر :-
ان احنا نصحى نصلى الفجر و نصحي معانا اكبر عدد ممكن من اصحابنا و اقريبنا و كل اللى احنا نعرفهم بعد ما نتفق معاهم ان احنا نرن عليهم بالموبيل لغاية ما يقفلوا علينا و بكده نضمن انهم يصحوا يصلوا.
الشهادتين :-
ان احنا نتعود نقول الشهادة على طول ' اشهد أن لا اله إلا الله و اشهد أن محمد رسول الله' في كل مكان نروحه و كل وضع جديد 'وقفنا – قعدنا' لان الواحد ما يعرفش هايموت في اي مكان و اي وضع فيجعل اخر كلامه فيه الشهادة – كمان عشان لسنا ياخد عليه فنقولالشهاده بسهوله وقت الموت ان شاء الله – و متخيلين كدة هانبقى كام مرة قولنا الشهاده في اليوم و الليلة
.
سورة الفاتحة و الإخلاص 'قل هو الله احد' 3 مرات كل يوم و ندعى لكل المسلمين اللى ماتوا 'نعرفهم و مانعرفهمش – لانهم محتجنا اوي يا جماعة و محتاجين أي دعاء او قرآن مننا- كمان ان احنا ان شاء الله هناخد ثواب هايل – كمان لان احنا هانبقى مكانهم و محتاجين اوي اللى يقرلنا قرآن و يدعلنا .
ختم القرآن شهريا :-
انا احنا و كل اللى نعرفهم نحاول نختم القرآن شهريا و لو ما قدرناش يبقى كل شهرين ان شاء الله يعنى 15 جزء كل شهر .
صلاة الضحى :-
نصلى الضحى كل يوم لان كل فرد مننا عليه صدقات يومية لشكر الله عز و جل على نعمة الصحة و العافية و على كل مفصل من عظامنا .. على كل شهيق و زفير
و عن رسول الله صلى الله عليه و سلم قال ' يصبح على كل سلامي من احدكم صدقة فكل تسبيحة صدقة و كل تحميدة صدقة و كل تهليلة صدقة و كل تكبيرة صدقة و امر بالمعروف صدقة و نهي عن المنكر صدقة و يجزي من ذلك ركعتان يركعهما من الضحى..' رواه مسلم .
صلاة الشفع و الوتر:-
المداومة عليها
صيام كل يوم اتنين و خميس أو '13 , 15,14' و طبعا يفضل لو قدرنا نصومهم كلهم
اذكار الصباح و المساء:-
المحافظة عليها و تذكير بعض بيها
تسبح ربنا كل يوم و ذكره و جعل لينا ورد من الاذكار يوميا .
نصلى صلاة في قيام الليل للمسلمين كلهم و بيت المقدس ندعي فيه ان ربنا يرحمهم في كل مكان و ينصرهم و يعلى راية الاسلام و يحرر بيت المقدس و كل المقدسات الدينية و و نسأل الله ليهم العفو و العافية في الدنيا و الاخرة و في دينهم و دنياهم و أهلم و مالهم . اللهم استر عوراتهم و آمن روعاتهم و احفظهم من بين ايديهم و من خلفهم و عن يمينهم و عن شمالهم و نعوذ بعظمتك ان يغتالوا
من تحنهم .
الصلاوات الفائتة :-
نحاول نصلى مع كل صلاة جديدة صلاة قضاء.
التصدف شهريا و لو بجنية :-
لان الصدقات بتطفي السيئات زي ما بطفي المياه النار .- كمان الصدقة بتطفي غضب ربنا سبحانه و تعالى و تجعله راضي عنا .
المهم ان احنا دايما نفكر بعض بكده و نسأل بعض كل يوم على الحاجات ديه و بكده ان شاء الله نبقى متاحابين في الله و نستظل بعرش الرحمن في يوم لا ظل الا ظله .
و بكده ندخل الجنة جماعه ان شاء الله.
و جزاكم الله خير
ألم يأن للذين آمنوا أن تخشع قلوبهم لذكر الله
اللهم إني اعوذ بك أن أشرك بك و أنا أعلم, و استغفرك لما لا أعلم
اللهم اجعل اعمالنا كلها لك صالحه و الي وجهك الكريم خالصة و لا تجعل للناس شيئ فيها ابدا و لا للشيطان منها نصيب و تقبلها منا بقبول حسن على الوجه الذي يرضيك
